Sa frundia

Custu traste s’acattat dae sa notte ‘e su tempus.
Lu lumenat s’Anticu Testamentu in manos de Davide pitzinnu Ebreu contra a Golia su zigante filisteu e mi nde fachet sa lastima pessare chi apustis de milli e milli annos custu traste est s’arma de sos pitzinnos Palestinesos ( Filisteos de oie) chi la usan in sa gherra de s’intifada contra sos zigantes Israelianos.
Deo mi l’amento chei traste de traballu in manos a sos craparjos nugoresos chi l’impreaban pro derettare sas bestias a su sartu e fintzas in manos de sos pitzinnos de tando chi a marranu postu nche falaban su puzone dae su ramu a tiru solu.
Chin s’imbentu ’e su tiralasticu sa frundia s’est isparia, ma custu traste fit connottu dae totus sas zentes anticas e mi paret ispantu chi in nessunu populu nd’apat mantesu s’usu pro isport comente est capitau pro s’arcu sa lantza su discu e su pesu.
Manera de fachere una frundia bi nd’at prus d’una. Custa est pacu prus a mancu sa manera chi apo connottu deo unica diferenza: imbetzes de ossidiana pro secare, una lametta betza.

Video usu de sa frundia:
video pro connessione ADSL (850 Kb)
video pro connessione modem (80 Kb)