Martine Redento Delogu
Soe naschiu in nugoro in su chimbantasese
E pro campare faco un’arte galana
chi ti prenat su coro si lu faches chin sentiu
soe infermieri e soe cuntentu de sa bida mea
soe diplomau in s’iscola de arte de nugoro
pro istentu pinto a acquerello , traballo sa terra luzana e
sa preda nighedda de ossidiana chin sa tecnica antica
istizzandela chin su corru ‘e cherbu
e cando mi mutin mustro in sas iscolas comente si fachet
iscrivo , pinto e cando podo prubbico paristorias in sardu nugoresu
semene a semene faco cust’ortu pro dare paris chin milli atteros
in su pacu chi podo una ghettada ‘e manu pro chi bivat sa limba nostra
chin su sentiu de unu massaiu chi ghettat labore
chei arbore chi est dande fruttu pro chie nd' at piachere de lu collire
martino.delogu@gmail.com

comente capitat abortas in sa bida su traballu pacat
in su pacu meu mi nde cuntento
reconnottu zarrone de gabbale in domo ‘e Grassia Deledda
pro unu manoscrittu chi no acattat editore
cussu sero apo nau a sa zente chi m’intendio arbore ch’ est dande fruttu
in palas meas mannu e galanu bi fit un’eliche garrigu ‘e lande
fruttu chi atteros tempos nos at catzau sa gana
ma chi oje a pacu serbit
abarrat ranchiu

martine delogu