Unu mastru

Si fachet impresse a narrer mastru
cando pesso a su biazzu chi apo fattu pro essere su pacu chi so oie
s'ammentu torrat a sa zente chi in custu biazzu apo adobiau e
depo narrer chi omines che a custu non n’apo adobiau medas in chimbanta annos de bida

in sa bida pro aere sorte serbit sa connoschentzia.
Cussu est s’ alimentu pro sos cherbeddos e totus an unu cherbeddu, nudda de prus e nudda de mancu e tando istat a bois biere ite nde fachere, si cheries imparare a bos balanzare sa bida.
un'omine non lu fachet su dinare un'omine si biet pro cantu resessit a dare
Jubanne Ambu

 

Oie cando intro ind'un'iscola pro mustrare su pacu chi apo de dare mi torrat s'ammentu de cussas paragulas

e chind'unu pacu'e presuntzione mi piachet cando a negossiu chin sos pitzinnos t'amento e pesso chi su chi ses istau e su chi as semenau no est finiu chin tecus ma sichit in su traballu de milli pitzinnos chi an appiu sa fortuna de t’adobiare